Eugen Caduff gudogna 420 bons dal Volg

Eugen Caduff da Trimmis ha svidà la damaun dals 27 da fanadur il jackpot dal gieu «Kikeri6» da Radiotelevisiun Svizra Rumantscha (RTR). Il jackpot cun bons dal Volg ha ina valita da 4’200.- francs.

Eugen Caduff da Trimmis ha gudagnà 420 bons dal Volg. Bild in Lightbox öffnen.

Legenda da maletgs: Eugen Caduff da Trimmis ha gudagnà 420 bons dal Volg. RTR; M. Morgenthaler

En la davosa runda dal gieu ha el pudì respunder correct indesch pretensiuns – tranter auter ha Eugen Caduff savì che Roger Federer na ha betg gudagnà quatter giadas aur a gieus olimpics.

Kikeri6
Glindesdi fin sonda mintgamai a las 7:40 tar il Radio Rumantsch.
Entaifer 60 secundas respundan audituras ed auditurs cun «gea» u «na» correctamain pretensiuns. Tgi che respunda correct las pretensiuns, gudogna alura per mintga resposta correcta in bon dal Volg ed ha la pussaivladad da participar il proxim di al gieu. Il jackpot vegn rumì da quella persuna che respunda correctamain durant quatter dis en roda mintgamai il dumber da dumondas respectivas.