In café cun per 2xNadal

Far in regal e gidar, quai è il senn da l'acziun caritativa «2xNadal» da la SRG SSR, la Crusch Cotschna Svizra e la Posta Svizra. Era Radiotelevisiun Svizra Rumantscha (RTR) rimna per l’acziun. Mathias Kundert vegn accumpagnà da las moderaturas Annina Campell a Zuoz ed Isabella Wieland a Trun.

2 giadas Nadal. Bild in Lightbox öffnen.

Legenda da maletgs: 2 giadas Nadal. RTR

Radiotelevisiun Svizra Rumantscha (RTR) envida ad in café gratuit e rimna regals per l’acziun 2xNadal. Quai a Zuoz e Trun. Ils abitants e las abitantas da las regiuns pon purtar lur regals - per exempel 1 pac ris, 1 pac pasta, 1 buttiglia schampo u 1 stgatla cun colurs - e star da cumpagnia. A mintgin che porta in regal offrescha RTR in café.

L’acziun da 2xNadal ha lieu:

mesemna, ils 28-12-2016 en la Pastizaria Furnaria Klarer a Zuoz, 9:00 – 12:00

venderdi, ils 06-01-2017 en la Casa Sogn Martin a Trun, 9:00 – 12:00

La mesadad da las donaziuns reparta la Crusch Cotschna alura ad instituziuns e persunas basegnusas en Svizra, l’autra mesadad en l’Armenia, Moldavia ed en Bielorussia. Spezialmain giavischada è rauba ch’ins dovra mintga di. Victualias che na van betg a mal sco pasta, ris, ieli e conservas da consumar anc silmain 6 mais. Artitgels d’igiena e da tualetta sco savun u pasta da dents. Material da scola e da papetaria ubain chalzers d’uffants novs.

Annina Campell. Avrir maletg en lightbox.

Legenda da maletgs: Annina Campell. RTR

Isabella Wieland. Avrir maletg en lightbox.

Legenda da maletgs: Isabella Wieland. RTR