Livestream: Discussiun da podium Parc Adula a Mustér

Radiotelevisiun Svizra Rumantscha (RTR) envida ad ina discussiun da podium tar il tema Parc Adula ed emetta quella live sin rtr.ch e sin RTR+. L’occurrenza ha lieu gievgia, ils 3 da november, a las 20:00 en la sala Peter Kaiser da la claustra da Mustér.

Placat - La discussiun da podium pro e contra. Bild in Lightbox öffnen.

Legenda da maletgs: La discussiun da podium pro e contra. RTR

17 vischnancas dal Grischun e dal Tessin decidan ils 27 da november davart il Parc Adula. Il Parc Adula duess daventar il pli grond parc naziunal da la Svizra cun ina surfatscha da 1250 kilometers quadrats. Il cor dal parc fiss la zona centrala cun ina surfatscha da 150 kilometers quadrats.

Parc Adula - gea u na

Actualmain vegn la dumonda, Parc Adula – gea u na, discutada a moda fitg cuntraversa. “È il Parc Adula in project che vul proteger la natira u è il Parc Adula in project per promover il svilup da la regiun?” Questa dumonda vegn il moderatur e redactur da RTR, Andri Franziscus, era a discutar cun ils dus adherents e ed ils dus adversaris dal Parc Adula.

A la discussiun da podium sa participeschan: Rico Tuor, sviluppader regiunal Parc Adula, Dumeni Tomaschett, president communal Trun ed ils dus adversaris Leo Tuor, autur e Mario Alig, manader servetsch tecnic Lumnezia.