Premiera da film: Dr. à Porta – In ritgun da bun cor

RTR envida a la premiera dal film: Dr. à Porta – In ritgun da bun cor, in film da Bertilla Giossi. Il film raquinta l’istorgia da dr. Stephan à Porta, impressari, speculant e benefactur. La premiera ha gì lieu mesemna, ils 13 da schaner 2016, a las 20:00 en la chasa da scola a Ftan.

Purtret da  dr. Stephan à Porta. Bild in Lightbox öffnen.

Legenda da maletgs: Dr. Stephan à Porta. RTR

Tge han immobiglias amez la citad da Turitg da far cun ils cudeschs da scola da Ftan? E pertge profitescha il fugitiv Ali Azad da Cuira dad ina fundaziun turitgaisa? La raschun da quests lioms insolits è dr. Stephan à Porta, in à Porta cun ragischs a Ftan, mort avant 70 onns.

L’emprima mesadad dal 20avel tschientaner erigia Stephan à Porta a Turitg ina chasa suenter l’autra. La fin finala ha ses imperi varga 170 edifizis. Ina facultad enorma – però ina facultad che à Porta na surlascha betg a ses ertavel. Ord dad ina raschun surprendenta, surdat el si’ovra a la Fundaziun dr. Stephan à Porta. Quella ha oz 1323 abitaziuns, ina valita da 389 milliuns e fa in gudogn annual dad 1.4 milliuns. In quart da quest gudogn vegn onn per onn dabun al chantun Grischun, 5% van a Ftan.

Il film raquinta l’istorgia dals raps che vegnan si da Turitg, l’istorgia da la pli gronda fundaziun privata d’util public da Turitg e l’istorgia da dr. Stephan

L’occurrenza è publica, l’entrada è libra.