RTR sin visita en il City West

RTR sa preschenta al giubileum da tschintg onns City West cun in program multifar per pitschen e grond. Sandra Carisch raquinta istorginas per uffants, e musicists sco Martina Linn ubain Polyphone chantan en la Canorta da RTR.

La microlotta dad RTR - in bus cun ina paraid digitala ed in corn sin tetg Bild in Lightbox öffnen.

Legenda da maletgs: La microlotta dad RTR è per dus dis davant il City West. RTR

Durant dus dis è la microlotta da Radiotelevisiun Svizra Rumantscha plazzada davant l'entrada dal center da cumpra City West.

Venderdi, ils 28-10-2016 da las 9:00 enfin las 21:00
Sonda, ils 29-10-2016 da las 8:00 enfin las 18:00

Uffants sesan sin gronds satgs cotschens e verds e taidlan las istorgias durant la festa d'uffants a Laax Avrir maletg en lightbox.

Legenda da maletgs: Sin il tarpun cotschen dad RTR datti istorgias per pitschens e gronds. RTR

In mund plain magia

Ils uffants pitschens spetga in mund plain aventuras. Sandra Carisch-Killias raquinta istorgias e chanta ensemen cun ils uffants.

As regurdais anc da l'istorgia «Ils musicants da Brema»? U avais schon ina giada udì l'istorgia «Sultan e Tamazi»? Questas ed autras ivettas pudais tadlar sin il tarpun cotschen ch'è plazzà en l'intern dal City West.

Venderdi, ils 28-10-2016
13:00 - 13:30
15:00 - 15:30
17:00 - 17:30

Sonda, ils 29-10-2016
11:00 - 11:30
14:00 - 14:30
16:00 - 16:30

Martina Linn, ina da las musicistas che suna en la Canorta. Avrir maletg en lightbox.

Legenda da maletgs: Martina Linn, ina da las musicistas che sa preschenta en la Canorta. mad

Insatgs musicals en la Canorta

Durant quests dus dis da giubileum visitan chantaduras e chantadurs rumantschs la Canorta e procuran per in'atmosfera cumadaivla cun insatgs da musica per egl ed ureglia.

Venderdi, ils 28-10-2016
17:30 – 18:00 Polyphone
19:30 – 20:00 Dario Hess, Flavian Kroll, Manuel Eicher e Stefan Zykora

Sonda, ils 29-10-2016
12:00 – 12:20 Curdin Brugger, Severin Brugger
15:30 – 16:00 Martina Linn

In um cun in t-shirt alv cun si Tumasch ed il logo da RTR - ins vesa mo il pèz Avrir maletg en lightbox.

Legenda da maletgs: Nua è Tumasch? RTR

Tumasch

Tumasch è quest onn preschent a differentas occurrenzas dad RTR. Vus enconuschais el vi da ses t-shirt alv cun si ses num. Per cas che Vus entupais el: faschai in selfie u in curt video e lura in post cun il hashtag #playrtr sin facebook, twitter u instagram. Tranter las meglras contribuziuns tirain nus la sort. I dat premis che stattan en connex cun la proxima occurrenza a la quala Tumasch è preschent.

Sche Tumasch n'è betg gist a la chatscha da selfies, lura sa recreescha el dal travasch en la Canorta dad RTR (avant il City West) e giauda d'observar or d'in lieu patgific quai che capita enturn el. Vegni era Vus tar nus en la Canorta dad RTR. Faschai ina curta pausa e rimnai nova energia per il divertiment che spetga.

Dapli sin: http://play.rtr.ch