Musica da la regiun
La saira vegn embellida cun musica da la chantautura Martina Linn & band. La giuvna Engiadinaisa è creschida si cun musica da jodlar ed ha lura cun 14 onns chattà la passiun per il pop ed il folk. Oz ha Martina Linn gia edì 3 discs e concertescha en l’entira Svizra.
Sper Martina Linn sa preschenta era la Scola da musica Engiadin’Ota. Las giuvnas ed ils giuvens da la scola, che stat sut la direcziun d’Anton Ludwig Wilhalm, sunan per exempel cornet, clavazin, ghitarra, violina e saxofon.
Tras la saira maina Ulrica Morell, moderatura e redactura da la redacziun Engiadina da RTR. L’entrada è libra.