Livio Foffa e Gian-Marco Maissen live dal CM a San Murezzan

Tge capita durant ils Campiunadis mundials da skis 2017 sin las pistas e sin las vias e giassas da San Murezzan?
Radiotelevisiun Svizra Rumantscha rapporta mintga di live dal lieu e porscha als visitaders ed a las visitadras la pussaivladad da far ina visita en il «Quadrin» avant il café Hauser.

Livio Fotta e Gian-Marco Maissen Bild in Lightbox öffnen.

Legenda da maletgs: Livio Foffa e Gian-Marco Maissen rapportan mintgdi live da San Murezzan. RTR

Sursiglir cuntegn supplementar

RTR live da San Murezzan

«Quadrin» avant il café Hauser/GKB: mintga di live

Radio Rumantsch

mintga di, 07:20: prevista sin il di

mintga di, 11:00-12:00 e 15:00 – 18:00 emissiun live

Televisiun Rumantscha

Cuntrasts Focus: ils 5 da favrer a las 17:25 sin SRF1

ils 6 da favrer a las 17:40 sin SRF1 ubain sin Play RTR

ils 17 da favrer a las 17:40 sin SRF1 ubain sin Play RTR

Dals 6 fin ils 19 da favrer 2017 ha lieu a San Murezzan ils Campiunadis mundials da skis. Tge capita a San Murezzan durant questas duas emnas? Co è l'atmosfera, tgi lavura e tgi pon ins inscuntrar sin las vias e giassas da l’Engiadin’Ota?

San Murezzan pulsescha

Sut il motto «San Murezzan pulsescha» rapporta RTR sin tut ils chanals dals Campiunadis mundials, da las istorgias a l'ur e da las persunas che stattan davos questa occurrenza.

Bainvegni avant il café Hauser

RTR sa preschenta ensemen cun radio SRF3 en in studio ch’è plazzà davant il café Hauser a San Murezzan. Mintga di tranter las 09:00-18:00 pon visitadras e visitaders dar ina baterlada cun ils moderaturs, gudagnar in bon per cumprar skis, sa sentir sco in atlet e participar ad ina cursa da skis virtuala cun egliers da 360°. En il studio s'inscuntran RTR e SRF3 cun la populaziun indigena ed ils visitaders dal CM. Durant duas emnas rapportan ils moderaturs Livio Foffa e Gian-Marco Maissen mintga di live dal studio da radio.

Il moderaturs da sport Andreas Wieland e Roman Dobler tegnan al current audituras ed auditurs davart ils resultats sin pista ed Annina Sedlacek divertescha ina giada per di cun ina emissiun da comedy.