PREMIERA da film: «Patricia Scarpatetti – mamma per 36 uffants»

RTR envida a la premiera dal film da Paula Nay che mussa, pertge che la dunna da 36 onns s’engascha per tants uffants. Quai 24 uras a di – 7 dis l’emna.

La dunna Patricia Scarpatetti cun uffants Bild in Lightbox öffnen.

Legenda da maletgs: Patricia Scarpatetti ed ils uffants da sia fundaziun RTR

Sursiglir cuntegn supplementar

Premiera a Salouf

  • data:
    venderdi, 15.12. 2017, 20:00
  • lieu:
    halla polivalenta, Salouf
  • moderaziun:
    Anna Serarda Campell
  • pled:
    Flavio Bundi
  • l’occurrenza è publica,
    l’entrada è libra
  • suenter la premiera envida RTR ad in apero.

Oriundamain era il plan da Patricia Scarpatetti da Cunter:

  • Ir a Honduras,
  • s’engaschar per uffants en miseria e
  • turnar suenter in onn.

Il voluntariat en ina chasa d’uffants ha dentant midà tut. Suenter in onn è ella bain turnada en Svizra, il cor dentant è restà en l’America centrala. Ella è returnada a Honduras ed ha fundà in’atgna chasa d’uffants.

Mamma per 36 uffants

Oz, 10 onns pli tard, viva ella cun 36 uffants a San Pedro Sula, ina da las pli privlusas citads dal mund. Malgrà che lur dachasa è circumdà da mirs e fils d’atschal, è quai per Patricia Scarpatetti l’insla dal cletg – cun il num «Yo quiero ser». Qua vul ella dar ina nova schanza ad uffants che han per part ina istorgia tragica.

Educar ils uffants è mo ina da las lavurs. Ella è tgirunza, psicologa, organisatura, administratura e cumbatta per ils dretgs dals uffants avant dretgira. Pudair gidar n’è per ella betg ina lavur, mabain in privilegi. In che dovra blera energia e va magari vi da la substanza. RTR ha accumpagnà Patricia Scarpatetti durant sia lavur.

Il film da l’emissiun «Cuntrasts» vegn mussà sco suonda:

Dumengia, ils 17-12-2017, 17:25 sin SRF 1
ubain sin www.rtr.ch/play

Repetiziuns:
sonda, ils 23.12.2017, 17:10 sin SRF 1