Siglir tar il cuntegn

Header

cuntegn

Medias 2017 Televisiun Rumantscha cun duas novas fatschas

L’emissiun d’infurmaziun «Telesguard» e l’emissiun d’infurmaziun per uffants «Minisguard» da Radiotelevisiun Svizra Rumantscha (RTR) survegnan duas novas fatschas. Corina Schmed ed Ivo Orlik èn ils dus novs moderaturs che cumpletteschan il team a partir da la fin avust 2017.

Corina Schmed, 35, creschida si a Trun/Campliun, è ina da las vuschs da novitads al Radio Rumantsch. Ella lavura dapi il 2012 en il newsdesk da RTR. A partir dals 23 d’avust moderescha ella il «Telesguard» e cumplettescha uschia il team cun Annina Campell, Isabella Wieland e Livio Foffa. Corina Schmed resta dentant er vinavant ina da las vuschs da las novitads dal Radio Rumantsch.

Ivo Orlik, 24, creschì si a Rabius, accumpogna dapi il 2015 audituras ed auditurs tras il program dal Radio Rumantsch. Ussa fa el il pass davant la camera. Ils 26 d’avust ha el la premiera sco moderatur da l’emissiun «Minisguard» e vegn a moderar quella regularmain. Dentant era Ivo Orlik resta fidaivel al microfon e cuntinuescha ad accumpagnar audituras ed auditurs dal Radio Rumantsch. Sper sia lavur tar RTR è Ivo Orlik enconuschent al public pli giuven sco rappunz «Giganto».

Artitgels legids il pli savens