Siglir tar il cuntegn

Header

cuntegn

Medias 2018 Cuntrasts Focus: «Noss Züri»

La citad da Turitg ha la qualitad da viver la segund auta sin il mund. Ella è la citad la pli attractiva da la Svizra. È quai la raschun per Grischunas e Grischuns da viver a Turitg?

Sin la dumonda tgenina citad che saja la pli attractiva da la Svizra schessan probablamain ils paucs Grischuns: Turitg. Dasperas ranghescha questa citad dapi onns en statisticas davart la qualitad da viver sin ils emprims plazs. En ils «Cuntrasts» decleran trais Rumantschas tge che fa Turitg uschè attractiva per ellas. In’attractivitad che na fiss dentant forsa betg uschè gronda senza las auas grischunas. I fiss stgir! Finì cun bella vita! L’EWZ, l’ovra electrica da la citad da Turitg, producescha 30 pertschient da sia energia cun aua grischuna. L’emissiun «Cuntrasts» emprova era d’eruir tgi che profitescha dapli da quel «barat», Turitg u il Grischun?

In viadi captivant tranter il Grischun e Turitg

Di per di fan numerus pendularis il viadi tranter Turitg ed il Grischun. Nus avain accumpagnà dus dad els. Simon Jäger e Daniel Walser raschunan da lur experientschas. Ultra da quai confrunta l’emissiun dals 25 da mars 2018 a las 17:25 la Turitgaisa Caroline Morand ed il Grischun Arno Fallet cun tut ils pussaivels clichés vicendaivels: Èn propi tut ils Turitgais banchiers blagunzs e baterlunzs? Èn ils Grischuns chatschaders stinads davos la glina?

Artitgels legids il pli savens