Siglir tar il cuntegn

Medias 2018 Livestream - Discussiun da podi

Radiotelevisiun Svizra Rumantscha (RTR) envida mardi, il 1. da matg 2018 a las 20:15 ad ina discussiun da podium cun ils sis candidats per la regenza. Temas principalas da la debatta èn las sfidas actualas e futuras dal Grischun. Da la lingua, la giuventetgna, regiuns perifericas fin tar il cartel.

Il video cumplet suonda uschè svelt sco pussaivel.

Ils 10 da zercladur 2018 elegia il pievel grischun ina nova regenza. RTR preschenta ils candidats, tutga il puls e maina ina discussiun cuntraversa davart temas ch’occupan il Grischun.

Co guarda il futur dals giuvens ora en il Grischun? Tge capita cun las regiuns periferas e tge innovaziuns dovra il chantun? Tge promoziun da la lingua e da la cultura dovri? E natiralmain ch’era il cas da cartel da la branscha da construcziun che fatschenta actualmain la publicitad è tema da la discussiun. Da quai e bler auter discutan Marcus Caduff, Mario Cavigelli, Jon Domenic Parolini, Peter Peyer, Christian Rathgeb e Walter Schlegel durant la discussiun da podium a Riom ils 01-05-2018.

La discussiun vegn manada e moderada per rumantsch dals moderaturs da RTR Andri Franziscus ed Oceana Galmarini. La debatta po vegnir persequitada a chasa via livestream sin www.rtr.ch, HbbTV via SRF1 e SRF2 sco era sin facebook.com/rtr.ch.

Legende: Video Sfidas e schanzas abspielen. Laufzeit 00:34 Minuten.
Or da Trailers dals 30.04.2018.