En l'emprim mezfinal han Marco Rominger e Heidi Laurant-Domeinig dà in encunter l'auter. Gudagnà e cun quai era dumagnà en il final da venderdi ha Marco Rominger da Castasegna.
Final il prim d'avust
Il u la victura da quella runda – il final ha lieu il venderdi – po lura giugar l’emprim d’avust en in’emissiun naziunala cunter trais candidatAs da las autras regiuns linguisticas. Il victur na gudognan betg mo l’onur d’enconuscher il meglier la Svizra, mabain er anc in bon da far vacanzas en Svizra en la valita da 5'000 francs.
E sch’insatgi ha manchentà da s’annunziar per il quiz al radio po el u ella giugar qua sut il Suisse Quiz online. Er per quai quiz datti cun in zic fortuna in bel premi en la valita da 1'500 francs.
Quartfinals:
En ina runda da duels han ils otg candidats e las candidatas rumantschas stuì giugar quest’emna in encunter l’auter.
En l'emprima runda ha Marco Rominger da Castasegna gudagnà cunter Maria Vinzens da Trun. Plinavant ha Heidi Laurent-Domenig da Sent gudagnà cunter Mario Dietrich da Panaduz.
En la segunda runda da quatter ha Miriam Derungs da Cuira gudagnà cunter Raphael Guetg da Boll (BE). Plinavant è Reto Friburghaus da Landquart automaticamain enavant, perquai che Rest Giacun Dermont da Laax n'è betg stà cuntanschibel.
En il mezfinal da mesemna èn cun quai, Marco Rominger, Heidi Laurent-Domenig, Miriam Derungs e Reto Freiburghaus.
RR Suisse Quiz 2018
