Siglir tar il cuntegn

Header

Navigaziun

Carla Norghauer da RSI.
Legenda: Carla Norghauer da RSI. RTR
cuntegn

Medias 2019 100 minutas – la Svizra emprenda rumantsch

Tgi daventa il «super talent rumantsch»? Philippe Gerber, Susanne Wille, Isabelle Moncada u forsa Lorenzo Mammone? RTR ha laschà emprender durant 100 minutas 12 persunalitads da la SRG SSR rumantsch. Tgi ha emprendì il meglier la quarta lingua?

La gronda part dals Svizzers e da las Svizras san maximalmain duas, mintgatant er trais linguas naziunalas. Almain in zic. Ma rumantsch, quai na sa quasi nagin. U mo quellas e quels ch’èn naschids qua en il Grischun u vivan qua. La realitad è pia, ch’ils Rumantschs e las Rumantschas èn pronts d’adina s’adattar, discurrer las linguas dals auters. Quai sto sa midar, han collavuraturas e collavuraturas da RTR pensà, ed han envidà 12 persunas, tuts moderaturs e moderaturas da la SRG SSR, d’emprender rumantsch. En 100 minutas han els emprendì da la magistra ed actura Sara Francesca Hermann ils emprims pleds, da dumbrar sin 10, da pronunziar endretg nums sco Cinuos-chel e S-chanf, ubain da chapir pitschnas istorgias. Sa chapescha ch’il chantar chanzuns popularas gioga er ina rolla principala en quellas lecziuns.

Il public decida
Philippe Gerber, Sibylle Eberle, Sven Epiney, Susanne Wille, Tania Chytil, Alexis Favre, Vincent Kucholl, Isabelle Moncada, Lorenzo Mammone, Francesca Mandelli, Alain Melchionda u Carla Norghauer? Tgi da quels 12 protagonists e protagonistas ha fatg quai il meglier? Tgi dad els duai avair il titel dal «super talent rumantsch»? Cun in click sin rtr.ch pon ins guardar las lecziuns e votar a partir dals 15-07-2019 per il favurit.