Siglir tar il cuntegn

Header

Navigaziun

RTR raquinta da L'AMUR – 19 fin 26 da matg
Legenda: RTR raquinta da L'AMUR – 19 fin 26 da matg RTR
cuntegn

Medias 2019 L’amur nun è pulenta – RTR raquinta da l’amur

RTR metta dals 19 fin ils 26 da matg 2019 l’amur en il center da ses program. Durant in’emna va il program da RTR direct en il cor, cun ina bouquet d’emissiuns sut il titel «L’amur. Tranter auter cun istorgias d’amur, cun chanzuns d’amur illustradas ed ina sairada d’amur.

RTR vegn a mussar durant l’emna dals 19-26 da matg ina dunsaina dad istorgias d’amur, istorgias da singles e da pèrins che raquintan avertamain da lur relaziuns, dad emprims inscunters, da crisas e dals misteris da l’amur. Las istorgias èn da vesair ed udir sin rtr.ch, tranter auter però era en il «Telesguard», en la «Marella» ed en ils «Cuntrasts».

«Tü nu dessast maridar»

Las Rumantschas e ils Rumantschs èn gea apparentamain campiuns dal chant. En il repertori da las chanzuns popularas sa zuppan era bleras chanzuns d’amur: «Buna sera biala», «Il randulin» , «Silip e la furmia» ed autras. RTR vegn a preschentar sis da quellas chanzuns en in vestgì tuttafatg nov. L’illustratura Pia Valär ha numnadamain fatg si’atgna interpretaziun dal «randulin» e pertge che quel chanta «tü nu dessast maridar». L’entira seria da chanzuns d’amur illustradas è da chattar sin www.rtr.ch.

«AMUR - LA SAIRA»

E sco tar l’amur èsi era tar il program da RTR: Dus che s’han ferm gugent, mussan quai in bel di a tut la parentella ed als amis cun ina festa, cun las nozzas. L’emna d’amur tar RTR ha era ses punct culminant cun ina festetta, en furma dad ina sairada da «late night» deditgada a l’amur: AMUR - LA SAIRA. L’emissiun cun giasts, musica ed in u l’auter surrir mussa RTR la saira dals 23-05-2019 sin www.rtr.ch. Da la partida vegnan ad esser l'autura Gianna Olinda Cadonau, la caricaturista Marina Lutz ed il cabarettist Flurin Caviezel. L'emissiun che vegn moderada da Livio Chistell, vegn enritgida musicalmain dal giuven duo Hannes Barfuss e Marcus Petendi.
Il program “L’AMUR” da RTR è d’udir, vesair e da leger tranter ils 19–26 da matg 2019 sin tut ils chanals da www.rtr.ch.