Siglir tar il cuntegn

Header

cuntegn

Medias 2019 La crusch cun l'amur - il dilemma tranter altar ed amur

Decider tranter l’altar e l’amur – per l’emprima giada discurra l'anteriur plevon da Breil, Marcel Köhle, en il film «La crusch cun l’amur» da RTR da ses dilemma e sia decisiun per l'amur.

Ils 15 da fanadur 2018 suenter messa gronda annunzia Marcel Köhle, il giuven e zunt stimà plevon da Breil, sia demissiun. El è s’inamurà ed ha decidì da cuntinuar sia vita ensemen cun sia partenaria. Ils parochians e las parochianas èn schoccads e consternads, nagin n’ha sminà nagut. Suenter sia demissiun sa retira Marcel Köhle da la publicitad. Dumondas per intervistas refusescha el. El dovri temp per reflectar sia nova situaziun. Uss, in onn e mez suenter sia demissiun, è el pront da raquintar. En il film da Radiotelevisiun Svizra Rumantscha (RTR) «La crusch cun l’amur» discurra Marcel Köhle per l’emprima giada publicamain da ses dilemma, da stuair decider tranter la clamada e la partenaria, tranter l’altar ed l’amur. RTR mussa quest film dals Cuntrasts ils 1 da december 2019 a las 17:25 sin SRF1