Siglir tar il cuntegn

Header

Luicas Batista da RTR
Legenda: Lucas Batista da RTR RTR
cuntegn

Medias 2019 Olá – da nus para vocês

A partir dals 25 d’october 2019 emetta Radiotelevisiun Svizra Rumantscha (RTR) ina giada al mais in’emissiun multiculturala cun vuschs ed istorgias rumantsch-portugaisas.rta lingua?

La cuminanza portugaisa è daventada in’impurtanta part da la cultura rumantscha. Cun l‘emissiun «Olá – da nus para vocês» collia RTR il mund rumantsch e portugais. Pli baud èn ils Portugais vegnids en il Grischun per lavurar ed il cumenzament eran els be paucs - ma ussa è la cuminanza creschida. Oz han els lur atgnas uniuns e clubs, ma els fan era part dal mintgadi rumantsch. Quai mussa era l’exempel da Fabio Alves da Samedan. Il giuven ballapedist da 16 onns auda tar ils megliers dal chantun. En l’emissiun multiculturala da RTR raquinta el da sias experientschas e dal ballape.

Il praticant da RTR, Lucas Batista, è in giuven Portugais ch’è creschi si en l’Engiadina. Durant ses praticum tar RTR vegn el a co-moderar l’emissiun multiculturala da radio ed a far la punt tranter las duas culturas. L’emprima emissiun vegn emessa venderdi, ils 25-10-2019 tranter las 19:00 – 20:00. Audituras ed auditurs pon participar live en l’emissiun e parter lur istorgias, experientschas ubain era trametter fotografias.

Tuttas istorgias cun fotografias, filmins ed intervistas datti alura da chattar sin rtr.ch.