Siglir tar il cuntegn

Header

cuntegn

Medias 2020 Cuntrasts: Veni, vidi Vico – Per il 100avel da Vico Torriani

Vico Torriani era in dals entertainers svizzers da success. Per il 100avel anniversari dal chantadur grischun sa regorda l’emissiun «Cuntrasts» da RTR da Vico Torriani che aveva success enfin en la Russia. Il film vegn emess dumengia, ils 13 da settember 2020 a las 17:25 sin SRF 1.

Dapli che 16 milliuns portatuns ha Vico Torriani vendì durant sia carriera da passa 50 onns – uschè blers sco nagin auter interpret svizzer. Cun hits sco Silberfäden, Kalkutta liegt am Ganges u Ananas aus Caracas ha el divertì e procurà per buna luna suenter la Segunda Guerra mundiala. En il film «Veni, vidi Vico – per il 100avel da Vico Torriani» da Felice Zanoni sa regordan ils uffants e cumpogns da Torriani. En il film datti er da scuvrir nov material d’archiv. En in dals documents raquinta il chantadur per exempel sco ch’el ha vesì fugitivs che vulevan sa salvar sur il cunfin svizzer durant la Segunda Guerra mundiala. Per il 100avel anniversari turna uss l’entir relasch en patria da Vico Torriani. La camera accumpogna sia figlia Nicole, cura ch’ella surdat regurdientschas sco placats da film u premis (Bambi, Prix Walo eav) a la manadra da l’Archiv culturel Engiadin’Ota a Samedan.

Enavos tar las ragischs

Ils onns 1960 moderescha il Grischun cun affinitads per linguas las grondas emissiuns da la sonda saira en la televisiun tudestga - per exempel er la show legendara Der goldene Schuss. Quai era l’emprima emissiun da televisiun interactiva ch’i deva en l’Europa. Er cun l’emissiun da televisiun Hotel Victoria era Vico Torriani in trendsetter. En ils davos 2 decennis sa concentrescha el sin il schlagher popular e la musica populara. Cun il disc rumantsch Allegra turna Torriani 1975 enavos tar sias ragischs grischunas. En la vegliadetgna da 78 onns mora Vico Torriani il 1998 ad Agno (TI), nua ch’el ha vivì durant decennis cun sia dunna Evelyne Güntert.

«Veni, vidi Vico – Per il 100avel da Vico Torriani»

Avrir la box Serrar la box

Cura?

Dumengia, ils 13-09-2020, a las 17:25 sin SRF 1 (cun suttitels tudestgs) ni sin Play RTR

Repetiziun?

Sonda, ils 19-09-2020, a las 17:15 sin SRF 1

Artitgels legids il pli savens