Siglir tar il cuntegn

Header

cuntegn

Medias 2020 Servetsch divin ecumenic da Tschuncaisma tar RTR

Tschuncaisma regorda al spiert divin che unescha nus e mussa ina via da sa chapir. Co che quai succeda tenor la bibla e co che quai po succeder ozendi vegn tematisà en il predi ecumenic che RTR emetta dumengia, ils 31-05-2020 a partir da las 10:00, al Radio RTR e sco video sin rtr.ch.

En noss mintgadi essan nus confruntads e confruntadas cun bleras linguas: ils idioms rumantschs, las linguas svizras e quellas dad esters che vivan en Svizra. Ma lura er cun la lingua catolic-refurmada, la lingua dals giuvens e quella dals pli vegls, da persunas da differents origins u da differentas opiniuns – ina sfida da chapir in l’autra.

Co che quai succeda tenor la bibla e co che quai po succeder ozendi vegn tematisà en il servetsch divin ecumenic or da la baselgia catolica da Sagogn. Quest servetsch divin vegn emess dumengia da Tschuncaisma, ils 31 da matg 2020, a partir da las 10:00 al Radio RTR ubain online sco video on demand sin la pagina rtr.ch. Il predi vegn tegnì da la plevonessa refurmada Anja Felix-Candrian ensemen cun Flurina Cavegn-Tomaschett che è assistenta pastorala catolica.

Servetsch divin ecumenic da Tschuncaisma tar RTR

Cura: A partir da las 10:00 al Radio RTR e sin rtr.ch

Cun: Anja Felix-Candrian (plevonessa refurmada) e Flurina Cavegn-Tomaschett (assistenta pastorala catolica)

Organist: Clau Scherrer

Chant: Salome Cavegn

Lectur: Armin Cavelti

Lieu da registraziun: Baselgia catolica a Sagogn

RTR Vita e Cretta 08:00

Artitgels legids il pli savens

Scrollar a sanestra Scrollar a dretga