Co vegn l'emissiun da «Minisguard» realisada? Co fan ins intervistas? Tge dovri tut per far uschia in'emissiun? Collavuraturas e collavuraturs da RTR mussan e realiseschan ensemen cun ils scolars e las scolaras da la 4 fin 6avla classa da Müstair in'emissiun. Ils uffants emprendan durant differents workshops co far contribuziuns, creeschan in «studio» extern, modereschan, emprendan co che la tecnica funcziuna e fan il marketing per lur emissiun.
Premiera da l'emissiun
Sco finiziun da l’emna envidan ils uffants ed il team dal Minisguard geniturs, parents ed enconuschents ad ina premiera. Da cumpagnia vegnan guardadas las contribuziuns producidas dals uffants.
- Cura: Gievgia il 02-06-2022 las 17:00
- Nua: Scola primara Müstair
L’emissiun da Minisguard producida tuttafatg en la scola da Müstair vesais Vus sonda, ils 04-06-2022 a las 17:40 sin SRF 1 ubain cura e nua che Vus vulais sin rtr.ch u via l’app «Play RTR».
Bun divertiment cul Minisguard producì dals uffants per Vus!