RTR avra puspè sias portas al public. Las visitadras ed ils visitaders da la sonda lunga pon dar in sguard davos las culissas da RTR e survegnan tar differents posts in’invista en il mund da las medias.
Sper il gir tras chasa RTR pudais Vus era far part da dus lavuratoris.
1. Fabritga tes radio DAB+:
Cura: las 12:30 | 14:30 | 16:30
Per tgi: uffants a partir da 7 onns. Max. 20 uffants per lavuratori. S'annunziar al retschavimient il di da la sonda lunga.
2. Video Storytelling:
Cura: las 12:30 | 14:30 | 16:30
Per tgi: per tuttas e tuts a partir da 16 onns. Max. 10 persunas per lavuratori. S'annunziar al retschavimient il di da la sonda lunga.
En il «Kino à la RTR» spetgan Vus films dals Cuntrasts ubain da la rubrica «on demand». Durant tut il di datti adina puspè surpraisas musicalas.
Bigliets pudais Vus cumprar sut langersamstag.ch
