Premiera: Cun palutta e furtga - Il project Rebecca Clopath

RTR envida a la premiera dal film da Bertilla Giossi en la halla polivalenta a Donat, Val Schons. Il film accumpogna Rebecca Clopath, la cuschiniera e pura che fa ses emprims pass per realisar ses siemi. A Lon, en il café Fortuna da ses geniturs, porscha ella events culinarics tenor sia filosofia.

Sursiglir cuntegn supplementar

Premiera da film a Donat

  • Cura: mesemna, ils 24-05-2017 a las 20:00
  • Nua: halla polivalenta, Donat, Val Schons
Sursiglir cuntegn supplementar

Datas d'emissiun «Cuntrasts»

  • dumengia, ils 28-05-2017, a las 17:25 sin SRF 1
  • sonda,ils 03-06-2017, a las 17:10 sin SRF 1 (rep.)

L’emprim era la palutta. La giuvna Rebecca Clopath da Lon fa l’emprendissadi da cuschiniera e daventa cun 25 onns gia schefcuschiniera. Uss cun 28 onns vala ella sco talent en la scena da cuschinar svizra. Cun ses scharm, ses elan e sia creativitad è ella predestinada per ina carriera en ina ustaria da gourmet.

Ma Rebecca Clopath ha auters plans, sper la palutta prenda ella la furtga enta maun. La cuschiniera daventa er anc pura. Pura, per savair cuschinar cun ils products producids tenor sias ideas. La finamira da Rebecca Clopath è da porscher tratgas che sa basan sin ina vita cumplessiva, persistenta e faira.

Suenter la premiera envida RTR ad in apero

Moderaziun: Anna Serarda Campell

Entrada libra.