Premiera: Gisula Tscharner - la terra pli datiers ch'il tschiel

RTR envida a la premiera dal film da Christina Caprez en il kino Rätia a Tusaun. Gisula Tscharner è ina piuniera da la teologia libra en Svizra. Oriundamain preditganta, è ella sortida da la baselgia avant prest 25 onns. Dapi lura porscha ella rituals en la natira.

Las fassettas da Gisula Tscharner

Sursiglir cuntegn supplementar

Premiera da film a Tusaun

  • Cura: mardi, ils 04-04-2017 a las 20:00
  • Nua: Kino Rätia, Tusaun
Sursiglir cuntegn supplementar

Datas d'emissiun «Cuntrasts»

  • dumengia, ils 09-04-2017, a las 17:25 sin SRF 1
  • mesemna, ils 12-04-2017, a las 08:30, 09:30 e 12:50 sin SRF info (rep.)
  • sonda, ils 15-04-2017, a las 17:10 sin SRF 1 (rep.)

Il film «Gisula Tscharner – la terra pli datiers ch’il tschiel» è in purtret subtil dad ina dunna cun in agen chau en ina societad en transfurmaziun.

En ils onns 1990 ha Gisula Tscharner cumenzà cun far rituals ordaifer la baselgia. La plipart dals carstgauns en Svizra crajan vid insatge superiur, ma van en baselgia sin il pli da Nadal u en situaziuns da crisa. «Quellas persunas crajan vid insatge ed han il basegn da celebrar muments da transiziun », di Gisula Tscharner. «Ellas tschertgan la dimensiun mistica da la vita.»

Cuschina selvadia cun ervas localas

Gisula Tscharner cumbinescha en sia lavur la spiritualitad cun sia cuschina da las dunnas selvadias, la WildeWeiberKüche. Ella enconuscha ervas selvadias sco paucs, ha creà recepts, scrit cudeschs e dà curs da cuschinar. Il divin na vegnia per ella betg da sisum, ma da la terra: «La savida da la vita è bler pli veglia che l’idea dal divin dal tschiel.»

Suenter la premiera envida RTR ad in apero or da la cuschina selvadia da Gisula Tscharner.

Moderaziun: Anna Serarda Campell

Entrada libra.