Siglir tar il cuntegn

Header

cuntegn

31-10-2019, 20:00 Premiera dal film «Hampi Cadonau - Il Punk Pur»

Radiotelevisiun Svizra Rumantscha (RTR) envida a la premiera dal film da Casper Nicca «Hampi Cadonau – Il Punk Pur». Il film raquinta da la vita nunconvenziunala da Hanspeter Cadonau, oriund da Vuorz. La premiera ha lieu gievgia, ils 31 d’october 2019 a las 20:00 en halla da gimnastica a Vuorz.

Cadonau fa vin. Vin rumantsch, cun nums sco «Gion Gialet», «il Cardun» ubain «la Randulina». E quai a Quinten, da l'autra vart dal Lai Rivaun. En la pitschna vischnanca, che ins cuntanscha mo cun la bartga. Ma enfin che Hanspeter Cadonau è rivà a Quinten èsi stà in lung viadi.

Hampi Cadonau, che sa numna sez gugent in «punk», è stà lavurer da guaud, ustier en il Portugal e blers onns construider da tunnels sin il entir mund. Ussa ha el chattà ses port en l’idilla sper il lai. Dentant bler pli ruassaivla n’è sia vita betg vegnida. Casper Nicca ha accumpagnà cun la camera il viticultur oriund da Vuorz durant in onn, ed ha uschia survegnì ina invista en ina vita nunconvenziunala dad in Rumantsch.

In um en sia vigna.
Legenda: Hampi Cadonau Hampi Cadonau en sia vigna. RTR

Cuntrasts: «Hampi Cadonau - Il Punk Pur»

dumengia, ils 03-11-2019, 17:25 sin SRF 1 (cun suttitels tudestgs) ubain sin rtr.ch/play.

Repetiziuns:

mesemna, ils 6-11-2019, 08:40, 09:40 e las 12:50 sin SRF info

gievgia, ils 7-11-2019, 11:00 sin SRF info

sonda, ils 9-11-2019, 17:15 sin SRF1