Siglir tar il cuntegn

Header

video
Di dal futur tar RTR
Or da Telesguard dals 10.11.2022.
laschar ir. Durada: 2 minutas 26 Secundas.
cuntegn

Di dal futur Passa 20 uffants han dà in sguard davos las culissas da RTR

En il rom dal di naziunal dal futur han scolaras e scolars da la 5-7avla classa survegnì invista en il mund da la chasa da medias e han pudì guardar co ch’i funcziuna da far radio, tv, online/social media.

Invista en il mund da lavur 

Explorar professiuns e secturs da lavur nunenconuschents ubain era professiuns nua che l’agen gender e sutrepreschentà, quai è stà la finamira dal di da futur naziunal che ha lieu gì ils 10-11-2022. RTR ha envidà ils uffants da dar in sguard davos las culissas. 

La damaun han il schefredactur, Flavio Bundi, e la responsabla per las emprendistas ed ils emprendists, Andrina Caprez, fatg in bainvegni als uffants e declerà la chasa da medias. Silsuenter han ils uffants pudì accumpagnar las redacturas ed ils redacturs e dar in sguard sin lur professiun preferida.

Tgi ha visità il studio da radio cun il siemi da daventar moderatura, tgi ha fatg cuntegn per ils chanals socials anc auters han pruvà ora tut las differentas cameras. In'invista dal di tar RTR dattan era ils maletgs qua sut.

Crear ina contribuziun per il Minisguard

Il suentermezdi han ils uffants alura pudì daventar sez activs e far ina contribuziun per il Minisguard. Gust da guardar il resultat? Nus giavischain bun divertiment ed engraziain per la visita.

video
Nursas da plastic
Or da RTR Social dals 11.11.2022.
laschar ir. Durada: 1 minuta 32 Secundas.

Artitgels legids il pli savens

Scrollar a sanestra Scrollar a dretga