Occurrenzas - Il «Minisguard» visita la scola da Segl
Dals 30-09 fin ils 03-10 visita il «Minisguard» ils scolars e las scolaras da Segl. Ensemen cun las collavuraturas ed ils collavuraturs da RTR preparan e realiseschan ils uffants lur atgna emissiun che vegn emessa sonda, ils 05-10-2019 a las 17:40 sin SRF1.
Legenda:
Emprima emprova vi da la camera durant la visita da Minisguard a Trin.
RTR, Mirco Manetsch
2 / 6
Legenda:
Il team social dal Minisguard sin visita a Trin è a guardar il material per il proxim post.
RTR, Dominik Hardegger
3 / 6
Legenda:
Ils umens da camera fan lur emprimas filmadas.
RTR, Mirco Manetsch
4 / 6
Legenda:
Era il president da vischnanca Trin sto prender posiziun.
RTR, Domnik Hardegger
5 / 6
Legenda:
Ils scolars e las scolaras da la scola Trin fan lur emprim Storyboard.
RTR, Mirco Manetsch
6 / 6
Legenda:
In scolar da Trin fa sia emprima intervista.
RTR, Mirco Manetsch
Co vegn l'emissiun da «Minisguard» realisada? Co fan ins intervistas? Tge dovri tut per far uschia in'emissiun? Collavuraturas e collavuraturs da RTR mussan e realiseschan ensemen cun ils scolars e las scolaras da Segl l'emissiun per il «Minisguard» da sonda, ils 05-10-2019.
Ils uffants emprendan durant differents workshops co far contribuziuns, creeschan e decoreschan il «studio» extern, modereschan ed emprendan co che la tecnica funcziuna.
Pre-registraziun da l'emissiun
La gievgia, ils 03-10-2019, registrescha RTR ensemen cun ils uffants l'emissiun. Geniturs, parents ed enconuschents èn cordialmain envidads da participar a la registraziun che ha lieu las 17:30 en chasa da scola.
L'emissiun da «Minisguard» producida tuttafatg en la scola da Segl vesais Vus lura sonda, ils 05-10-2019, a las 17:40 sin SRF1 ubain cura e nua che Vus vulais sin rtr.ch u via l’app «Play RTR».
Bun divertiment cul «Minisguard» producì dals uffants per Vus!
