A partir da las 09.00 uras fin las 17.00 envida RTR giuven e vegl da far ina visita en il chantun d’uffants en il foyer dal center communal. Qua pudais Vus dar in sguard sin ils filmins da la famiglia Babulin e discuvrir la purschida d'uffants da RTR sin la pagina d’internet www.rtr.ch/uffants. Nus ans legrain da Vossa visita.
Vossas chanzuns e versets
RTR tschertga Vossas chanzuns e versets d'uffants. Tgeninas chanzuns chantavas Vus sco pitschens ubain alura cun Voss uffants? Ans tramettai il text, las notas ubain era in video.
Tge è la chanzun rumantscha insumma?
L’uniun «La Chanzun Rumantscha» vul stgaffir ina scuntrada interrumantscha che duai promover la musica rumantscha en general, ed en spezial la chanzun da chor.