Siglir tar il cuntegn

Header

Navigaziun

Uffants cun la Microlota - il bus da RTR
Legenda: RTR
cuntegn

Occurrenzas RTR sin via tar Vus a l'AGRISCHA Zernez

Animals, famiglias cun uffants ed enta mez la Microlotta: Ils 27 ed ils 28 d’avrigl 2019 avra l’exposiziun purila Agrischa sias portas a Zernez. RTR è preschenta cun la Microlotta e cun il project «Missiun B – per dapli biodiversitad».

RTR sa preschenta cun la Microlotta a l’Agrischa, l’exposiziun purila che ha lieu a Zernez la fin d’avrigl 2019. Tranter auter pudais Vus s’infurmar davart il project «Missiun B – per dapli biodiversitad». Cun il project vulain nus sensibilisar la populaziun sin il tema, stgaffir conscienza e prestar ensemen cun il public ina contribuziun per dapli surfatscha biodiversitara en Svizra.

Cun Vus faschain nus cullas da sems, uschia che Vus pudais plantar questas en Voss agens curtins. Plinavant avais Vus la pussaivladad dad As participar al gieu «Missiun B» - lain guardar con bler che Vus savais gia davart biodiversitad e RTR.

Uras d’avertura Agrischa:
Sonda: 09.00 – 17.00
Dumengia: 09.00 – 17.00