Siglir tar il cuntegn

Header

cuntegn

Occurrenzas RTR sin via tar Vus ad Andeer

Dals 3 fin ils 5 da matg è RTR sin via tar ses public ad Andeer a l’exposiziun MUMA. Quai cun il project «Missiun B – per dapli biodiversitad».

Tranter auter pudais Vus s’infurmar davart il project «Missiun B – per dapli biodiversitad». Cun il project vulain nus sensibilisar la populaziun sin il tema, stgaffir conscienza e prestar ensemen cun Vus ina contribuziun per dapli surfatscha biodiversitara en Svizra.

Ensemen cun Vus faschain nus cullas da sems, uschia che Vus pudais plantar questas en Voss agens curtins. Plinavant avais Vus la pussaivladad dad As participar al gieu «Missiun B» - lain guardar con bler che Vus savais gia davart biodiversitad e RTR.

Gugent sa barattain nus era cun Vus davart noss programs. Tge plascha a Vus? Tge forsa damain? Nossas collavuraturas e collavuraturas sa legran sin il barat.

Uras d’avertura MUMA Andeer:

venderdi: 14.00 – 20.00

sonda: 10.00 – 20.00

dumengia: 10.00 – 17.00

Artitgels legids il pli savens