Informaticra/informaticher

Informaticras ed informatichers cun attest federal da qualificaziun (AFQ) realiseschan, installeschan, examineschan e tgiran soluziuns d’informatica. RTR porscha l’emprendissadi en il sectur “tecnica da sistems”.

emprendissadi informatica

2:16 min, dals 30.1.2015

Informatichers ed informaticras da la tecnica da sistems èn responsabels per l’installaziun e la tgira da sistems d’informatica. Els/ellas elegian la hard- e software adattada per lur incumbensaders ed installeschan alura il PC, ils squitschaders ed ils servers als plazs da lavur. Els/ellas configureschan servetschs sco lubir access u far regularmain in backup per che las datas na giajan betg a perder. Lur incumbensa è medemamain da segirar las raits e d’eliminar disturbis. Quai pretenda fitg bunas enconuschientschas dals apparats e da las applicaziuns che vegnan duvrads en lur interpresa. Per garantir che tut ils sistems sajan adina accessibels vegn era resguardà en la planisaziun eventualas fluctuaziuns d’utilisaziun ed accumulaziuns d’access.

Emprendist d'informatica durant la lavur. Avrir maletg en lightbox.

Legenda da maletgs: Emprendist d'informatica. RTR