Praticum e stage schurnalistic

RTR porscha bunas pussaivladads da scolaziun per giuvnas e giuvens cun interess e talent schurnalistic. Els han la pussaivladad d’absolver durant max. 6 mais in praticum schurnalistic e da far suenter in stage cun frequentar la scola al MAZ (2 onns).

Praticum

Praticum tar il Radio Rumantsch

1:23 min, dals 14.1.2016

Il praticum schurnalistic tar radio u multimedia s’adressa ad absolventas ed absolvents d’in emprendissadi, da la matura gimnasiala u professiunala u d'ina scolaziun equivalenta. Suenter datti la pussaivladad da frequentar ina scolaziun supplementara en direcziun schurnalissem. La finamira dal praticum è d’emprender d'enconuscher la chasa da medias RTR e las differentas lavurs schurnalisticas.

In praticum dura per regla 6 mais e cumpiglia ina part da la scolaziun da basa interna. El vegn organisà dal post da scolaziun e furmaziun. Quel garantescha in accumpagnament professiunal durant il temp d’introducziun tras il tutoriat.

Per candidatas e candidats da stage è cumprais durant lur praticum la preparaziun per l’examen d’admissiun al MAZ (elavurar il dossier d'annunzia: curriculum vitae, text da motivaziun, video, 2 fin 3 contribuziuns publitgadas, cumprova d’engaschament durant la scolaziun).

RTR porscha 4 - 5 plazzas da praticum l’onn

Cundiziun per obtegnair ina plazza da praticum è la participaziun ad in «lavuratori far medias» che RTR porscha duas giadas l’onn.

Stage

Pult da maschadar. Avrir maletg en lightbox.

Legenda da maletgs: Pult da maschadar. RTR

Il stage schurnalistic tar radio u multimedia RTR s’adressa a praticantas e praticants che han reussì l’examen d’admissiun al MAZ (mintgamai il november) e che han in contract da stage tar RTR u tar ina chasa da medias. Il stage cumpiglia la scolaziun da basa interna, la lavur pratica da radio u multimedia e la scolaziun schurnalistica al MAZ. Il stage schurnalistic tar RTR dura 2 onns. Cumprais è la lavur pratica en ina redacziun da tschep, 90 dis scola al MAZ ed in stretg accumpagnament tras il tutoriat ed ils responsabels da la redacziun. La finamira è da cuntanscher il diplom schurnalistic DAJ (Diplom Ausbildung Journalismus/MAZ).

RTR porscha per regla ina fin duas plazzas da stage schurnalistic l’onn.

Cundiziuns per in praticum u stage

  • vegliadetgna min. 18 onns
  • emprendissadi, matura gimnasiala u professiunala, studi u scolaziun equivalenta
  • bunas enconuschientschas d’in idiom rumantsch, d’avantatg experientscha schurnalistica
  • participaziun ad in ‘lavuratori far medias’ tar RTR
  • lavurar a temp cumplain
  • flexibilitad areguard il temp da lavur (fins d’emna, dis da festa).
Purtret dals stagiars dal segund onn. Avrir maletg en lightbox.

Legenda da maletgs: Stagiaires schurnalistics 2014-2016 RTR, J. CLOPATH

Purtret dals stagiars dal prim onn. Avrir maletg en lightbox.

Legenda da maletgs: Stagiaires schurnalistics 2015-2017 RTR, J. CLOPATH