Praticum e stage tecnic

RTR porscha pussaivladads da scolaziun per giuvnas e giuvens cun interess e talent en il sectur audio/video. Quellas persunas han la pussaivladad d’absolver durant max. 6 mais in praticum tecnic e suenter tenor cunvegna in stage accumpogna d’ina scola superiura durant 2 onns.

Praticum

Persuna che lavura cun cabels. Avrir maletg en lightbox.

Legenda da maletgs: Praticum tar RTR. RTR

Il praticum tecnic sa drizza ad absolventas ed absolvents d’in emprendissadi d’informatica, electronica da multimedia u d’ina scolaziun equivalenta che prendan en mira la pussaivladad da sa scolar enavant en direcziun audio/video. La finamira è d’emprender a conuscher la chasa da medias RTR e las differentas lavurs en la partiziun tecnica.

In praticum dura per regla 1-3 mais e cumpiglia ina part da la scolaziun da basa interna. El vegn organisà dal post da scolaziun e furmaziun ensemen cun il responsabel dal sectur pertutgà e vegn coordinà da la dispo tecnica. Quai garantescha in accumpagnament professiunal durant tut il temp dal praticum.

Candidatas e candidats cun la finamira da far in stage sco tecnicistA dal tun u da video vegnan era sustegnids en la preparaziun per l’examen d’admissiun per las scolas TTS/Tontechnikerschule, Schönenwerd, ffton/Freie Fachschule für Tontechnik, Zürich u SAE/Institut SAE, Turitg.

Cundiziuns per in praticum

  • vegliadetgna min. 19 onns
  • emprendissadi tecnic sche pussaivel cun matura professiunala u scolaziun ni savida equivalenta e d’avantatg cun experientscha da lavur
  • bunas enconuschientschas d’in idiom rumantsch
  • lavurar a temp cumplain
  • flexibilitad areguard il temp da lavur (fins d’emna, firads)

RTR porscha plazzas da praticum tenor basegns e cunvegna individuala.

Stage

Dus stagiaires da RTR. Avrir maletg en lightbox.

Legenda da maletgs: Stagiaires tecnica 2013-2015. RTR, J. Clopath

Il stage tecnic video/audio tar RTR s’adressescha a praticantas e praticants che han fatg in praticum, che adempleschan las cundiziuns d’admissiun da las scolas (TTS, ffton, SAE) e che retschaivan in contract da stage tar RTR. Il stage cumpiglia la scolaziun da basa interna, la lavur pratica audio/video e tecnica da medias ed in accumpagnament professiunal.

Il stage tecnic dura per regla 2 onns. Cumprais è la lavur pratica en la partiziun producziun radio/tv e ca. 90 dis scola. La finamira è da cuntanscher il diplom federal sco tecnicist dal tun u il diplom sco tecnicist da video (Digital Film and Animation/FAD).

RTR surprenda ina part dals custs per la scola e metta a disposiziuns dis da lavur per la scolaziun. En pli vegnan Ils stagiaires sustegnids en la preparaziun per l’examen da diplom.

Cundiziuns per in stage

  • avair fatg in praticum tecnic en chasa RTR
  • contract da stage tar RTR
  • disposiziun d'admissiun d’ina scola (TTS, ffton, SAE)
  • lavurar a temp cumplain e flexibilitad areguard il temp da lavur (fins d’emna, firads)