Siglir tar il cuntegn

Header

cuntegn

Chadaina da Fortuna Rimnà passa set milliuns cunter la fom en l'Africa da l'Ost

Mesemna ha la Chadaina da Fortuna organisà in di naziunal per rimnar daners encunter la Fomina a la Corna da l’Africa. Da las 07.00 fin 23.00 èn vegnidas mess a disposiziun en l’entira Svizra numerusas lingias da telefon sin las qualas Vus avais pudì telefonar ed annunziar Vossa donaziun.

Tar l'acziun naziunala èn fin las 23:00 gia vegnids ensemen 7'077'301 francs.

En tut las unitadas da la SSR hai dà centralas da telefon per retschaiver donaziuns. Tranter auter datti er ina a Cuira tar RTR. Plirs voluntaris e voluntarias dal Grischun han a telefonà durant il di.

Far donaziuns pudais Vus:

Avrir la box Serrar la box

Rimnar per l'Africa da l'Ost

La situaziun en l’Africa da l’Ost vegn mendra e mendra. Igl è la mendra sitgira dapi generaziuns. Quatter schlets temps da plievgia l’october 2020, il mars 2021, l’october 2021 e la stad 2022 han chaschunà ina sitgira extraordinaria en Somalia, en il sid ed en l’ost da l’Etiopia ed en l’ost da la Kenia. En il Sudan ed en il Sudan dal sid vegnan vitiers conflicts armads, ina crisa economia e nauschas racoltas. La situaziun è dramatica. La Chadaina da Fortuna sustegna ils umans ch’èn pertutgads. 

Differents facturs augmentan la situaziun, sco per exempel la midada dal clima e las consequenzas da la guerra en l’Ucraina. A la corna da l’Africa èn 36,1 milliuns carstgauns pertutgads da la sitgira e mancanza dad aua e vivonda. Uffants èn spezialmain periclitads. Var 4,9 milliuns uffants pateschan gia oz d’ina mancanzas acuta da nutriment. 

Agid per Kenia Etiopia e Somalia 

La Chadaina da Fortuna finanziescha gia sis projects per gidar uffants che pateschan da la mancanza da vivonda e per garantir il provediment da sanadad en Kenia ed en l’Etiopia. Ils daners rimnads a chaschun dal di da solidaritad vegnan investids en quests dus pajais e sin la Somalia nua che tschertas regiuns èn periclitadas d’ina fomaz tenor las Naziuns Unidas.

Er la Direcziun da svilup e da collavuraziun (DEZA) da la Confederaziun sa fatschenta cun la situaziun en Africa da l'Ost. Ella è preschenta la dapli il 2013 en la regiun cun in budget da 55 milliuns francs, declera la directura Patricia Danzi.

RTR actualitad

Artitgels legids il pli savens

Scrollar a sanestra Scrollar a dretga