«Rumantsch: In ferm toc Svizra ma er in ferm toc mund.» Quai è il motto da l'Emna rumantscha ch'il Departament federal per fatgs da l'exteriur organisescha en collavuraziun cun il chantun. L'onn passà a chaschun da l'emprima emna rumantscha aveva ina delegaziun da Glion frequentà l'emna en Chasa federala a Berna. Quest onn èn quai 12 scolaras e scolars da Scuol e Savognin. Per il cumenzament da l'emna han els deponì en Chasa federala ina valisch plain ideas per promover il rumantsch.
Duas scolas a Berna
-
Bild 1 von 11. Las dudesch scolaras e scolars da las scolas da Savognin e Scuol han purtà ina valisch rumantscha a Berna. Bildquelle: RTR, Adrian Camartin.
-
Bild 2 von 11. In zic gnervus, ma era mirveglius èn las scolaras ed ils scolars da Savognin e Scuol che spetgan. Bildquelle: RTR, Adrian Camartin.
-
Bild 3 von 11. En il focus da la camera – Laura Breitenbrunner raquinta en il video tge ch'il rumantsch munta per ella. Bildquelle: RTR, Adrian Camartin.
-
Bild 4 von 11. Anc in ultim sguard en la valisch – tut è pront per l'inscunter. Bildquelle: RTR, Adrian Camartin.
-
Bild 5 von 11. Guardan cun grond interess – il Cusseglier federal e president da la Confederaziun Ignazio Cassis ed il Cusseglier guvernativ grischun Jon Domenic Parolini. Bildquelle: RTR, Adrian Camartin.
-
Bild 6 von 11. Intginas da las propostas da las scolaras ed ils scolars da Savognin e Scuol. Bildquelle: RTR, Adrian Camartin.
-
Bild 7 von 11. Il foodtruck rumantsch – ambassadur per la lingua e la cultura (culinarica) rumantscha. Bildquelle: RTR, Adrian Camartin.
-
Bild 8 von 11. Ulteriuras propostas da las scolaras e dals scolars ch’èn stads en la valisch rumantscha. Bildquelle: RTR, Adrian Camartin.
-
Bild 9 von 11. Trais, dus, in partenza! Ensemen cun il president da la Confederaziun Ignazio Cassis ed il Cusseglier guvernativ Jon Domenic Parolini dattan las scolaras ed ils scolars da Savognin e Scuol il culp da partenza per l'emna rumantscha. Bildquelle: RTR, Adrian Camartin.
-
Bild 10 von 11. Sco engraziament per la gronda lavur datti in pitschen regal. Bildquelle: RTR, Adrian Camartin.
-
Bild 11 von 11. Annina Kirchen e Fabrizio Florinet da la scola Scuol e Laura Breitenbrunner ed Alina Thomann da la scola Savognin. Bildquelle: RTR, Adrian Camartin.
Eveniments ed occurrenzas digitalas en l'exteriur
Tenor il president da la Confederaziun, Ignazio Cassis, è la diversitad ina ritgezza per noss pajais. Quella occurrenza annuala lubeschiada promover nossa identitad multifara. Sper las activitads a Berna, organiseschan las represchentanzas svizras en l'exteriur er quest onn puspè diversas occurrenzas per far pli enconuschent la lingua e la cultura rumantscha en lur pajais. Pervi da las mesiras en connex cun la pandemia però per gronda part en furma d'eveniments e cuntegns digitals.