-
Bild 1 von 14. Regals per pitschens e gronds. Bildquelle: RTR, M. Lombriser.
-
Bild 2 von 14. Ils ustiers da l'ustaria Posta a Vella, Prisca e Gian Ragettli-Capeder. Bildquelle: RTR, M. Lombriser.
-
Bild 3 von 14. Flora Tomaschett ha purtà andutgels da la Lumnezia. Bildquelle: RTR, M. Lombriser.
-
Bild 4 von 14. 281 kg regals èn vegnids ensemen a Vella: Grazia fitg! Bildquelle: RTR, M. Lombriser.
-
Bild 5 von 14. Maria Alig e Julia Caminada da cumpagnia a baiver café. Bildquelle: RTR, M. Lombriser.
-
Bild 6 von 14. In'auditur che sa regorda da temps ch'i era scart er tar nus. Bildquelle: RTR, M. Lombriser.
-
Bild 7 von 14. Chalzers novs per uffants, café ed in radio da donaturas generusas. Bildquelle: RTR, M. Lombriser.
-
Bild 8 von 14. Pia Bruderer da Vella è era vegnida cun tastgas plainas. Bildquelle: RTR, M. Lombriser.
-
Bild 9 von 14. Monica Capaul e Walter Collenberg dal Volg a Vella han purtà regals. Bildquelle: RTR, M. Lombriser.
-
Bild 10 von 14. I ha duvrà 26 stgatlas per pachetar las donaziuns. Bildquelle: RTR, M. Lombriser.
-
Bild 11 von 14. Antonia Caduff gida da far ils pachets. Bildquelle: RTR, M. Lombriser.
-
Bild 12 von 14. Maria Alig pacheta blera pasta en la stgatla gronda. Bildquelle: RTR, M. Lombriser.
-
Bild 13 von 14. Tants buns gidanters portan ils 26 pacs a la posta. Bildquelle: RTR, M. Lombriser.
-
Bild 14 von 14. La "Ustria dalla Posta" a Vella. Bildquelle: M. Lombriser.
Abitants e giasts da Vella èn vegnids en rotschas cun tastgas plainas e pachets en tuttas furmas. La moderatura Marionna Lombriser ha pudì prender encunter ina pluna pachets per l'acziun. Total èsi vegnì ensemen 281 kg rauba. Il suentermezdi èn uschia 26 pachets ids sin posta.
Marionna Lombriser ha er gì la chaschun da discurrer cun plirs visitaders e cun ils manaders da la «Ustria dalla Posta» a Vella. L'ustier Gian Ragettli-Capeder è cuntent cun il manaschi en la pli veglia ustaria da Vella.
Suenter las nov èn set scolars da Pierina Cabalzar arrivads en l'ustaria. Els avevan gist scola da cuschinar ed han purtà punsch, ris, levon, zutger da vaniglia, farina e pulvra da zutger. Tut rauba ch'era restada enavos da lur festa da Nadal.
Maria Alig e Julia Caminada èn duas audituras dal RR che han gì cletg. Dunna Alig aveva gudagnà in pachet d'Advent en il radio e dunna Caminada aveva pudì regalar la cuppina dal RR. Sco engraziament han ellas decidì da purtar insatge per l'acziun 2x Nadal.
Placi Degonda da la Crusch Cotschna Grischuna ha declerà tge products che vegnan rimnads e nua ch'els sa tschentan.