Cun differents projects vul il chantun Grischun promover l'egualitad tranter um e dunna. Tranter auter ha el lantschà in plan d'acziun per l'egualitad en l'administraziun chantunala e l'analisa da l'egualitad dals salaris.
Sco la regenza scriva veglia il chantun sa posiziunar cun questas mesiras sco patrun modern ed attractiv. La regenza vul er rinforzar l'autonomia economica da las dunnas, independentamain da lur stadi civil e da lur situaziun da famiglia. Uschia sustegnia il chantun la strategia d'egualitad 2030 ch'il Cussegl federal ha deliberà l'avrigl passà.