Tut en tut èn 16,8 tonnas per il chantun Grischun vegnidas ensemen. Rimnà è vegnì mangiativas sco per exempel ris, caffé, schuppa, farina, zutger e products d'igiena sco per exempel pasta da dents u schampo. A Domat tar l'interpresa da transport Kuoni èn las donaziuns vegnidas sortidas e pachetadas per il transport en las regiuns. Differentas instituziuns socialas han pudì inditgar quant e tge products ch'ellas dovran per lur clientella. Ils 17 voluntaris sorteschan la rauba e guardan che l'endretg dumber da products vegn furnì al dretg lieu.
I dat adina er surpraisas, che nus na savain betg tge product che sa chatta en la stgatla. Quai è bunamain sco da Nadal.
Tar ina gronda part da las stgatlas che ston vegnir sortidas as vesa tge product ch'igl è. Mo magari datti era surpraisas, ch'ils gidanters e las gidantras na san betg tge che spetga en il pac. Ils voluntaris e las voluntarias sajan fitg engaschads, l'acziun 2x Nadal saja ina bella chaussa e fetschia era plaschair a quels che possian gidar persunas che sajan pertutgadas da paupradad.
En il center da pachetar datti bler da far
-
Bild 1 von 5. Il team da voluntaris che sortescha la rauba. Bildquelle: RTR/Giana Maria Cantieni.
-
Bild 2 von 5. Mangiativas dal provediment da basa. Bildquelle: RTR/Giana Maria Cantieni.
-
Bild 3 von 5. Volutnaris sorteschan ils products. Bildquelle: RTR/Giana Maria Cantieni.
-
Bild 4 von 5. Quels pachets èn pronts per il transport inavant tar las instituziuns socialas. Bildquelle: RTR/Giana Maria Cantieni.
-
Bild 5 von 5. Placi Degonda da la Crusch Cotschna Grischuna. Bildquelle: RTR/Giana Maria Cantieni.