Co èsi pussaivel da gidar e far in plaschair durant il temp da Nadal a persunas en povradad? La redacziun dal magazin da consument «SRF Espresso» è sa dumandada quai avant 25 onns. Uschia è naschida il december 1997 l’idea d’organsar in’acziun da rimnar pachets per persunas en povradad. L’acziun è daventada pli gronda che planisà. La SRG SSR è sa messa ensemen cun la Crusch Cotschna Svizra, la Posta e Coop. Uschia è vegnida lantschada l’acziun da solidaritad «2x Nadal».
Ils pachets pon vegnir purtads gratuitamain a la Posta. Quels pachets vegnan tramess en il center da scumpartiziun da la Crusch Cotschna Svizra. Suenter vegnan els lura surdads a persunas ch'èn pertutgadas da povradad. Vus pudais er gidar cun in pachet online sin www.2xweihnachten.ch.
L’acziun «2x Nadal» cuzza anc fin ils 11 da schaner 2022.