Ils organisaturs e las organisaturas dal moviment «Stiller Protest» che cumbatta cunter las mesiras da corona ha survegnì in'ulteriura lubientscha per demonstrar ils 4 da settember. Quai conferma la polizia da la citad Cuira envers RTR.
Il suentermezdi duai dar differents pleds sin la Quaderwiese davart il referendum da la lescha da corona e cunter l’obligatori da vaccinaziun. Plinavant è planisà in cortegi vers la citad veglia da Cuira. La polizia quinta cun fin 4’500 demonstrants. Durant il di possia vegnir tar restricziuns dal traffic.
Quai n'è betg l'emprima giada ch'il moviment «Stiller Protest» demonstrescha a Cuira. La davosa giada è stà ils 20 da mars, cura che var 4'000 demonstrantas e demonstrants èn stads preschents.