Formaziun Surselva – il stgalim secundar 2 sut 1 tetg

Dapi il 2011 è la Regiun Surselva purtadra da las scolas dal stgalim secundar 2 da la Surselva.

Bajetg da la claustra dominicana a Glion. Bild in Lightbox öffnen.

Legenda da maletgs: Ina gronda part da las scolas da Formaziun Surselva sa chattan en il bajetg da la claustra dominicana a Glion. RTR, Carlo Albin

Per la Regiun Surselva èsi d'impurtanza centrala d’avair ina purschida da furmaziun ch'è da fitg auta qualitad. Quai betg sulettamain per motivs da la politica da furmaziun, mabain era ord ponderaziuns economicas. Tar il Center da furmaziun da la Surselva, sco la partiziun da la Regiun Surselva sa numna, tutgan las suandantas scolas:

  • Scola media mercantila
  • Scola media propedeutica
  • Scola professiunala commerziala
  • Scola professiunala industriala
  • Scola preprofessiunala
Scola professiunala industriala a Glion. Avrir maletg en lightbox.

Legenda da maletgs: Scola professiunala industriala a Glion. RTR, Carlo Albin

Tar la partiziun Formaziun Surselva tutgan er il servetsch logopedic, la Scola mercantila dal di e la Scola da musica. Sulet il gimnasi da la claustra a Mustér na fa betg part da quella partiziun. Il bajetg da la scola professiunala industriala (miradurs, scrinaris ed ulteriurs mastergns) sa chatta en la citad da Glion.