L’ospital chantunal grischun cuntinuescha il project a Walenstadt. La dumonda è sche e cura l’ospital chantunal duai manar la gestiun da l’ospital regiunal en il chantun Son Gagl.
A partir dal 2023
Il stan actual prevesa ch’i dat a partir dal 2023 a Walenstadt ina sedia da l’ospital chantunal grischun, quai tranter auter cun ina purschida da chirurgia staziunara ed ambulanta, in partiziun da medischina sco er da medischina da dunnas. Dentant è la decisiun tranter auter liada vid la cundiziun che la sedia a Walenstadt duai garantir a l'ospital chantunal dal Grischun la libertad da pudair sviluppar enavant la purschida.
Il Cussegl da fundaziun da l’ospital chantunal sto anc approvar quest model. Silsuenter suondan il matg 2022 las decisiuns politicas en il chantun Son Gagl.
