Siglir tar il cuntegn

Header

audio
Museum da viafier sa prepara sin avertura
Or da Actualitad dals 07.05.2020.
laschar ir. Durada: 03:13 minutas.
cuntegn

A partir dals 11 da matg Dretg mument per salvar la stagiun

A partir dals 11 da matg dastgan er museums puspè avrir lur portas. Il Museum viafier a Bravuogn stat avant la stagiun ferma da l'onn. La stad realisescha il museum dus terz da las entradas da l'onn. Uschia han els gì cletg en il discletg cun stuair serrar ils davos dus mais.

Il Museum da viafier a Bravuogn è ina istorgia da success. Ils davos otg onns dapi l'avertura è il museum s'avanzà cun ses 20'000 visitaders ad in dals gronds museums en Grischun. Ussa cun l'avertura dapi il lockdown da corona spetga il temp impurtant da l'onn. «La stad enfin l'october vegnan 2/3 dals visitader da l'onn» raquinta il manader da fatschenta dal museum e da Bravuogn turissem, Marc Andrea Barandun.

Marc Andrea Barandun sa legra da puspè avrir il museum da viafier a Bravuogn.
Legenda: Marc Andrea Barandun sa legra da puspè avrir il museum da viafier a Bravuogn. Tona Poltera

Sfidas cun la distanza ed il concept da segirezza

Per porscher la distanza minimala da dus meters e la segirezza per visitader e persunal èn maximalmain 50 persunas en las singulas stanzas dal museum. «En hotspots nua ch'ils visitaders ferman per contemplar avain nus signalisà giun plaun in quadrat da dus sin dus meters» explitgescha Barandun. «En in quadrat contemplar en l'auter ir enavant» resumescha il manader da gestiun las mesiras da distanza.

RTR actualitad 07:00

Artitgels legids il pli savens

Ir a sanester Ir a dretg