A partir da gliendisdi vala l'obligatori da purtar mascrinas per tut las scolaras ed ils scolars a partir da la terza classa en las scolas grischunas, sin tut las regiuns sco er sin il stgalim secundar II. Quai communitgescha il departament d'ecucaziun dal chantun. Cun schlargiar l'obligatori sin tut las scolas veglian ins franar l'unda d'infecziun en il chantun. La mesira vala il mument fin ils 23 da schaner.
Dapli infecziuns en stanzas che na vegnan betg ventiladas bain
Entant datti er ils emprims resultats dal project da pilot cun ils apparats da CO2 ch'è vegnids montads en las scolas. E quels cumprovian h'i dettia dapli infecziuns en stanzas cun ina nauscha qualitad da l'aria. Il porject è vegnì realisà en 150 stanzas da scola da la scola populara. Il project da pilot mussa er che la qualitad da l'aria è manglusa en bleras stanzas da scola. Perquai saja er fitg impurtant dad avrir regularmain las fanestras l'enviern.
Stretgas da test prest surmuntadas
En pli ha il chantun communitgà, ch'i duai davent da l'emna proxima puspé esser pussibel da survegnir il resultat dals tests da fatschenta entaifer 48 uras.
Ils labors èn vid augmentar lur capacitads
Fin november aveva il chantun orientà, ch'i dettia stretgas da testar tar ils labors e che collavoraturs e collavoraturas dastgan sulettamain far trais tests per emna. Vid quai sajan collavoraturas e collavoraturs sa tegnì e quai haja era chaschunà ch'ils labors na sajan betg pli uschè al limit.
Ord l'archiv
Singulas scolas han gia avant introducì l'obligatori da purtar mascrinas.
