Tar in accident ier da las 12.20 en il tunnel da l'A13 da San Bernardino èn duas persunas vegnidas blessadas. In auto è collidà, curt avant la sortida dal sid, duas giadas cun l'ur dal passape e silsuenter cun il mir dal tunnel sin la vart sanestra. Il manischunz da 74 onns è vegnì blessà levamain, la passagiera da 70 onns mez-grev. Ils pumpiers han stuì deliberar las duas persunas ord l'auto. La Rega ha sgulà la dunna en l'ospital da Bellinzona. L'um è era vegnì transportà cun l'ambulanza en il medem ospital.
Il tunnel è stà bloccàfin las 16.40. L'uffizi da construcziun bassa grischun ha stuì brattar elements da fixaziun dal mir dal tunnel. La polizia chantunala intercurescha il motiv per quest accident.