Siglir tar il cuntegn

Header

cuntegn

A13 Schacal mellen è vegnì sut in auto

En il Grischun è puspè vegnì chattà in schacal mellen crappà. L’animal saja vegnì sut in auto sin l’A13 la fin d’emna passada, communitgescha l’Uffizi da chatscha e pestga. Quai saja il quart schacal mellen crappà ch’ins haja chattà en il Grischun. L’ultim animal era vegnì chattà il matg dal 2019 a Vaz Sut.

Il schacal mellen vegn dal sidost da l'Europa e sa derasa adina dapli en l’Europa Centrala. Tar ils animals ch’ins ha chattà en il Grischun sa tractia da singuls animals e betg da trieps. Animals singuls possian esser plirs tschient kilometers davent da la proxima populaziun.

Ord l'Archiv

2016 ha in chatschader sajettà in schacal mellen per sbagl en la Surselva.

video
Il schacal mellen – dal guaud en Surselva en il museum da la natira a Cuira
Or da Telesguard dals 01.07.2016.
abspielen. Laufzeit 2 minutas 4 Sekunden.

RTR novitads 16:00

Artitgels legids il pli savens

Scrollar a sanestra Scrollar a dretga