Siglir tar il cuntegn

Header

cuntegn

Abitaziuns per fugitivs 41 abitaziuns a Cuira per fugitivs da l'Ucraina

Ina firma da Winterthur metta a disposiziun al chantun Grischun 41 abitaziuns per fugitivs da l'Ucraina. Las abitaziuns vidas da la firma d'immobiglias e d'administraziun sa chattan en ina chasa auta a Cuira.

Gia l'emna proxima duessan las emprimas abitaziuns esser prontas per 150 fugitivs da l'Ucraina. Planisà fiss stà da sanar las abitaziuns la primavaira, sco la firma ha ditg envers l'agentura da novitads Keystone-SDA. Las renovaziuns han però stuì vegnir spustadas: En vista a la guerra avessan las lavurs cuzzà pli ditg ed i na dettia anc nagins contracts cun mastergnants. En la chasa auta a la Austrasse giudim da Cuira stattan a disposiziun abitaziuns da trais e quatter stanzas e mez.

Per il mument fa il chantun pront las abitaziuns cun mobiglias da l'agen deposit e mobiglias da donaturs e donaturas. La firma pretenda in pitschen tschains da locaziun dal chantun Grischun per cuvrir ils custs. Las abitaziuns stattan en il fratemp a disposiziun per in onn, cun l'opziun da prolungar il contract.

audio
Per tadlar: curt e cumpact
aus RTR Audio vom 22.04.2022.
abspielen. Laufzeit 1 minuta 7 Sekunden.

RTR novitads 12:00

Artitgels legids il pli savens

Scrollar a sanestra Scrollar a dretga