Siglir tar il cuntegn

Header

cuntegn

Accident cun quatter vehichels Sis persunas blessadas tar accident datiers da Schiers

purtret d'in auto che giascha sin la vart.
Legenda: Keystone

Venderdi saira curt suenter las 18:00 ha la Polizia chantunala survegnì il clom ch'i haja dà in accident grev sin la via naziunala N28 tar il Fuchsenwinkel. Pervi da l'annunzià è in grond dumber da forzas da salvament vegnì en acziun. Al lieu èn quatter vehichels stads donnegiads. Per l'agid medicinal da total sis persunas blessadas èn stadas en acziun dus teams d'ambulanza, in da Schiers ed in da Cuira, in helicopter da la Rega ed in da la Alpine Air Ambulance. Ina persuna ha stuì vegnir deliberada da l'auto cupitgà, cun agid dals pumpiers. La dunna ha stuì vegnir transportada grev blessada cun il helicopter da la Rega en l'ospital chantunal da Son Gagl.

Traffic svià durant 4 uras

Durant las lavurs da salvament sin la plazza da l'accident, ha il traffic stuì vegnir svià durant radund quatter uras sur la via principala. Tuttina hai dà impediments cun lungs temps da spetga. Ils quatter autos per part destruids cumplettamain, han stuì vegnir transportads davent.

La Polizia chantunala investighescha anc co l'accident ha pudì capitar.

Artitgels legids il pli savens