Siglir tar il cuntegn

Header

cuntegn

Accident mortal Töffist mora suenter accident cun auto a Domat

Legenda: L'auto è cupitgà sin la vart pervi da la forza da la collisiun. MAD, Polizia chantunala

In töffist da 59 onns è mort sonda suentermezdi sin la via chantunala tranter Domat e Cuira. Enturn las 15:50 il suentermezdi è in auto charrà da Domat direcziun Cuira. Tranter la rondella da Felsberg e Cuira hai lura dà la collisiun cun in töff. L'auto è cupitgà entras la forza da la collisiun. Il manischunz da l'auto è vegnì blessà ed è vegnì transportà cun l'ambulanza en l'Ospital chantunal da Cuira. La via è stada serrada per pliras uras.

Stads en acziun èn in'equipa d'ambulanza da l'ospital chantunal, il salvament da vias da Cuira, l'Uffizi da construcziun bassa, in servetsch da depannagi, la polizia da la citad Cuira e la Polizia chantunala da Cuira.

RTR novitads 15:00

Artitgels legids il pli savens

Scrollar a sanestra Scrollar a dretga