Siglir tar il cuntegn
Inhalt

Expediziun Grischun Il vitg da Zorten

Ensemen cun las fracziuns da Lain, Muldain, Valbella e Lai furma Zorten la vischnanca Vaz en il Grischun Central.

Zorten è in vitget cun 144 abitantas ed abitants en il Grischun Central. Il vitg sa chatta sin ina spunda sulegliva sin 1'200 meters sur mar sper Lain e Muldain. Er quellas duas fracziuns fan part da la vischnanca da Vaz. Il cuntrast tar quellas trais pitschnas fracziuns – ch'èn er plitost pauc turisticas – èn las duas grondas fracziuns da la vischnanca – Lai e Valbella. Quellas duas èn circa tschintg minutas cun auto davent da Zorten, Lain e Muldain.

Quant rumantsch è Zorten anc?

Las vias e chasas en il vitget portan nums rumantschs. Ma bleras abitantas ed abitants discurran oz tudestg. La glieud pli passada para dentant anc da discurrer rumantsch. Tenor la vischnanca sajan 30 dals en tut 144 abitants da Zorten rumantschs.

En la scola da Vaz emprendan ils scolars e las scolaras en l'emprima e segunda classa rumantsch. Suenter èsi in rom facultativ. Tar la generaziun pli veglia da Zorten devi mintgamai duas classas - ina rumantscha ed ina tudestga.

Zorten or da l'archiv

Legende: Video Telesguard 13.01.2006: Museum Zorten abspielen. Laufzeit 03:51 Minuten.
Or da RTR dals 09.07.2018.
Legende: Video Telesguard 22.11.2004: Scola da Vaz abspielen. Laufzeit 02:20 Minuten.
Or da RTR dals 09.07.2018.

RR actualitad 12:00