Ins guarda in da l'auter ed in per l'auter
Ils abitants da Buseno han gì grond plaschair da la visita dad RTR ed han uschia era per l'emissiun in venderdi organisà da lur vart ina pitschna festa da cumpagnia. Vegnidas en radund 25 persunas da tut las vegliadetgnas. Per sa reunir, tadlar las istorgias da Buseno e tar café e turta giudair il venderdi avant mezdi. A Buseno as tegn ensemen e sche insatge ha lieu tar els, lura provan tuts che san da era guardar speravi. Sco che quai sia oramai, tar ina gronda famiglia.
Coralina di Buseno
Dapi 21 onns datti ussa gia la Coralina di Buseno. In pitschen cor che accumpagnava oriund cunzunt festas da baselgia a Buseno. La festa principala la festa da Nadal. Quella è tenor la scheffa dal cor Fausta Lauber eir il motiv ch'ins ha fundà il cor.
Il cor na chanta dentant betg be a Buseno dentant era tar numerusas autras occurenzas. Per il cor è dentant cler, emprima prioritad ha adina Buseno. È quai restia era uschè malgrà che blers commembers n' abitian betg pli a Buseno.
Imni da la Val Calanca - Pastora Calanchina
Il cor chanta da chanzuns tradiziunalas fin modernas da tutta sort. Duas chanzuns als stattan dentant fitg da cor. D'ina vart il imni da la Calanca e da l'autra vart ina chanzun pli moderna. Tuttas duas ha ina part da la Coralina di Buseno chantà tar ina prova spontana per RTR en la baselgia di Buseno.
Blers lavuran ordaifer la val
A Buseno ins chatta paucas tavlas da firmas u sumegliant. La gronda part lavura ordaifer il vitg, sche na gista ordaifer la val.
Eviva Buseno
Per in ester po Buseno far l'impressiun dad esser restà el passà u ch'il lieu saja quasi mort. Ma la cifra d'abitants è restà ils ultims 20 onns quasi la medema.
È di dire che si vive bene qua.
La speranza resta tenor la vicepresidenta da Buseno, Rosanna Spagnolatti, che era famiglias turnian en futur a Buseno per viver. Il vitg prova perquai da tegnair en urden l'infrastructura e da porscher cun projects regiunals novas offertas en val.
Emprima impressiun da Buseno
La vita en il vitg a l'entschatta da la Val Calanca è plitost quieta e modesta. 92 abitants, dapertut gruppas da chasas ed il lai artifizial. La gronda part dal traffic passa sper il vitg vi e la glieud en viadi vesa mo da dalunsch la baselgia e las bellas chasas tradiziunalas.
Roveredo sco punct d'orientaziun
Buseno enconuschan probablamain mo ils paucs. Da Cuira ora van ins sur il San Bernardino fin a Roveredo e da là lura en per la Val Calanca. Gist a l'entschatta da la Val è lura Buseno. E per tut quels ch'han gia pensà vi dad in gieu da pleds cun «Busen» – Buseno aveva propi num fin il 1943 Busen. Il num dal vitg gualser vegn pervi da quai intunà er oz anc da maniera tudestga. Pia Buseno cun in «U» lung e betg sco usità en il talian cun in lung «E».
RR actualitad 12:00