Siglir tar il cuntegn
Inhalt

Expediziun Grischun Las fatschas da Putz

Radund 80 persunas vivan a Putz. Noss redactur Gian Carlo Candinas è quest'emna a la tschertga da las persunas che vivan en quest vitget sur Küblis.

Hansjörg Aliesch ha lavurà 20 onns sco maschinist sin in bastiment da vitgira.
Legenda: Hans-Jörg Aliesch ha lavurà 20 onns sco maschinist sin in bastiment da vitgira. RTR, GIAN CARLO CANDINAS

Hans-Jörg «Charlie» Aliesch – l'um che ha quasi vesì l'entir mund

Hans-Jörg Aliesch viva dapi bun diesch onns a Putz. Uss cun 73 onns giauda el la vita davent dal grond travasch, quai ensemen cun sia partenaria e ses chaun.

Il temp sin il bastiment da vitgira è stà il temp da mia vita.
Autur: Hans-Jörg Alieschabitant da Putz

Durant sia vita ha l'um, ch'è creschì si en il chantun Turitg, dentant quasi vesì l'entir mund. Cun 22 onns ha el decis dad ir a lavurar sin in bastiment da vitgira sco maschinist. «Charlie», sco el vegniva numnà sin il bastiment dals collegas, guarda gugent enavos sin quest temp. Quai saja il pli perdert ch'el haja fatg insacura.

Ueli Thöny – l'um ch'enconuscha il vitg sco strusch in auter

Strusch insatgi sa uschè bler da Putz sco Ueli Thöny.
Legenda: Strusch insatgi sa uschè bler da Putz sco Ueli Thöny. RTR, GIAN CARLO CANDINAS

L'um da 67 onns viva dapi il 1980 a Putz. Suenter ch'el è naschì en il vitget, è el stà davent per in lung temp. L'anteriur scolast giauda uss sia pensiun a Putz. Quai ensemen cun sia dunna.

Plinavant dattan Ueli Thöny e sia dunna durant quest'emna alloschi a noss redactur. Els abitan en ina chasa veglia dal 17avel tschientaner.

Paul Nebel – l'um dal lotto

Paul Nebel giauda sia vita da pensiun a Putz.
Legenda: Paul Nebel giauda sia vita da pensiun a Putz. RTR, GIAN CARLO CANDINAS

Dapi bun tschintg onns han intginas persunas dad «Unterputz» ina tradiziun in zic speziala. Els s'inscuntran per emplenir ora las cifras per il lotto da «Euromillions».

L'organisatur da quels inscunters è Paul Nebel, che ha 79 onns. El è creschì si en la Bassa, giauda uss dentant gia dapi blers onns da viver a Putz ensemen cun sia dunna. Tranter ils seniors dal vitg vala el sco il grond expert da la tecnica moderna.

RR actualitad 12:00